沒有縫紉的 Haute Couture 2 （ 弍拾柒 ）

Prada 妹妹

結婚，喺純商業角度而言，又何嘗唔係 M&A 嘅一種？

呢啲並唔係我片面之言。近年喺某啲國度，例如韓國，結婚雙方除咗要求對方有 certain 嘅學歷、CV 同 bank statement 之外，甚至會要求對方出示驗身證明，唔係要求 「 完璧 」 呢啲高登仔 bipolar 嘢，係 make sure 一對新人冇致命疾病，亦冇遺傳病……

咁同球會收購球員前驗身有咩分別？呢啲分明係商業操作，只不過呢對男女做死一世都搵唔到也馬同夏蘭特嘅年薪咁解。

於是，喺 LAC 嘅俺悶收購後，我同彌生嘅 「 收購合拼 」 故事正式展開。Act 1, Scene 1，見家長，今次輪到佢。

承上集簽約晚上，屋企。

合約簽咗，雖然係臨時，但已成定局。我心中雖然有啲不快，但始終都係開心遠多於唔開心。於是，我哋約咗今次 M&A 嘅兩個功臣 Isabella 同 Doris 嚟慶祝。

「 飲杯！ 」 香檳開好後，我哋碰杯。

「 兩位未來老細，多多指教！ 」 Isabella 半玩嘢對住我哋鞠躬；Doris 見到亦跟住鞠。「 合作愉快！ 」 我哋舉杯回禮。

「 支香檳好好飲…… 」 多情望住杯酒。「 咩牌子嚟㗎？ 」

「 Dom Pérignon Vintage P2 Rosé. 」 彌生答佢。

「 好好飲呀！ 」 多情大啖飲。「 貴唔貴㗎？ 」

「 二千幾。 」 彌生若無其事咁答，多情幾乎俾香檳濁親……

「 嘩！ 」 個傻妹含住啖酒岳高頭講嘢，並發出泡泡聲。「 呢啖成百歐呀！唔係好捨得吞…… 」

「 你唔好咁失禮好唔好…… 」 彌生微微反佢眼笑。

「 唔好話佢，我都差啲噴…… 」 Isabella 幫多情講說話。「 咁大個女都未飲過兩千幾銀一支香檳……」

「 到你哋同佢一齊做嘢嗰陣就會知…… 」 我乘機抽水。「 某日突然擺粒朱古力喺你面前，你放入口…… 唔…… 好似幾好味；然後佢話你聽，呢粒 Ecuador 金箔朱古力幾十歐…… 」 多情聽見喪點頭。

「 Shirley 都有同我講過咁上下嘅嘢…… 」 Doris 放低酒杯。「 A5 近江和牛做漢堡，一啖大啖啲就話幾十歐…… 個麵包面都可能有金箔…… 」 我心諗，小澄篤家姐背脊，佢自己咪又係偷和牛整漢堡……

請移玉步往 Patreon 繼續閱讀；感謝！

LAC 嘅收購終於完成，即使呢單只係小說上嘅 M&A，但我可以向大家保證，喺創作過程中，我完全感受到當年參與 M&A 嘅壓力同不確定感覺。大家亦都可以相信我，我用咗最大努力去將呢種感覺轉化為文字，帶俾大家 — 煩厭係 last but not least。

喺我做上市公司 ED 嘅日子，有兩三條咁嘅尾長時間跟住我，其實接近常態。我每日喺老細、賣方、auditor、會計、律師、regulator 之間掙扎求全嘅滋味，真係好難喺小說中彰顯一二。

收購完成，我亦打算將小說嘅重心同節奏暫時轉移。嚟近呢一兩集、兩三集，可以話係我寫小說八年比較少做嘅事：我希望放飛一下自己嘅私心，寫一啲我渴望發生、但現實生活中冇發生嘅憾事 — 補完我嘅父子關係。

我唔希望寫太天馬行空嘅嘢，即係我唔會寫到我哋可以冰釋前嫌，兩父子攬頭攬頸。我相信，我會有我合適嘅筆觸，去寫我曾經渴望發生嘅嘢。

我慶幸寫作係我寥寥可數嘅天賦之一。

[embed]死唔斷氣長篇廢文大笪地 a.k.a. 我的所有文章目錄medium.com

歡迎大家加入我嘅《IF 文章 PUSH》channel：https://t.me/ifpush、同埋 subscribe 我嘅 stories，咁樣大家就可以以最快嘅速度、獲得我嘅文章更新推送；感謝大家嘅支持。大家亦可以喺 Patreon follow 返我： https://www.patreon.com/herrfung