帶著爸媽去旅行#2: 由布院半天遊+ 由布まぶし心餐廳

日本北九州五日四夜

行程參考： 第一日：福岡市 第二日：福岡-> 由布院-> 別府 第三日：別府-> 小倉 第四日：小倉-> 門司港-> 北九州OUTLET-> 福岡市 第五日：福岡市

第二日上半部

坐由布院之森出發去由布院，一路以為會有當天的日期牌給乘客影相留念（幾年前坐有影過），今次等到差唔多落車都無，個牌去左邊呢？

日期牌 (幾年前的)

第一班由布院之森，由博多出發

之前寫了一篇有關預約由布院之森的分享。 有興趣的讀者可看看 → 預約由布院之森

拎左明信片打印留念，買左個芝士蛋糕同咖啡，沿途睇下風景影下相，中間經過一啲景點職員都會舉牌預先話俾全車廂既人知，不過，唔識日文既我都唔知佢講緊咩^^” 坐左兩個鐘多啲終於到達目的地。

紀念乘車證，很好的免費紀念品！

2024年1月價目表

好吃！

由布岳

上網睇，車站旁有遊客中心可寄存行李，我們都不例外排隊寄存手提行李。後來發現，從車站直出個條街，沿途都有店舖可以寄存，唔洗排隊，價錢更便宜！所以，提示各位可以去其他地方寄存呢！

午餐: 由布まぶし 心 駅前支店 除非你好早到或好晏先食，如果想試呢間餐廳，建議及早打電話預約免卻排隊之苦，尤其係長者未必有耐性一齊等。 今次用左VISA CONCIERGE服務，一個月前開始發電郵預約，好好彩地成功了！真係好好彩！ 去到已經見到排隊的人龍。我約左12：30，距離預約時間重有大半小時，所以係附近行左一陣。

準時進入餐廳，繞過人群直上餐廳內，行到已預留的餐桌，十分順利。我覺得豐後牛好入味，鰻魚有啲燶左，有一陣燒焦了的香味！雞就相對地普通。 家人覺得好似煲仔飯，凍天食到暖笠笠又入味既飯，已經很不錯！

前菜

配菜

豐後牛

雞

鰻魚

食完就開始行由布院，沿路都有好多特色小商店(有Snoopy 茶屋, 龍貓專賣店，Miffy森之廚房)同小食店，慢慢行的確可以行一整日。

不過我的家人好像沒有太多興趣，只是在外面經過過就算了。他們反而對小食店多些興趣。沿路跟著人群走，不經不覺來到金鱗湖。

隨意拍的每一張照片都好像一幅畫。停留了約30–45分鐘，欣賞一下金鱗湖和旁邊的水上鳥居「天祖神社」，大概三點鐘就回車站準備坐火車（係對面月台）去下一站：別府