Ek Unexpected Shuruaat, Ek Endless Dosti — Part 1

Ye kahani hai teen dosto ki… Ek aisi dosti jo planned nahi thi, Par ek apple ke tukde se shuru hui, Toh kisi ko gunda bane ko lekar shuru hui.

Socho… ek dubla-patla, sharmata hua ladka, Jiska confidence zameen se bhi neeche tha, Ek din class ke first bench par baith gaya. Shuru ke kuch dino mein bas thodi si baatein, Aur phir section change… Jaise life ne phir se restart button daba diya ho.

4th din, ek naya din, ek nayi khamoshi. Lunch break ke waqt, akela betha soch raha tha, “Shaayad main hi akela hoon is class mein…” Par kismat hamesha akelapan tod deti hai. Nazdeek baitha ek ladka… Aur bas ek sawaal nikal gaya zubaan se – “Apple khaoge?” Aur jawab aaya — “Haan.”

Kya pata tha, ek simple si haan 4 saalon ka rishta ban jaayegi. Notes, assignments, lunch… Sab kuch share hone laga, Aur dosti apni raftar pakadne lagi. Bas kami thi ek mahila mitra ki.

Phir aaya naya semester – Nayi building, naye teachers, naye chehre, Aur usi bheed mein ek nayi kahani likhi gayi. Ek din ek ladki ka message aaya – Sirf ek notice ko lekar. Socha ignore karun, par reply de diya. Aur wahin se shuru hua ek naya safar.

Kya twist tha! Woh ladki mere dost se bhi wahi baate karti thi, Aur humein kuch pata hi na tha. WhatsApp pe group bana — “GANG”. Aur bas wahi se teeno ke safar ki shuruat ho gayi.

Secrets, chugliyan, endless chats, Kabhi baaton se zyada ladaiyan bhi hoti thi… Par dosti ki duniya mein ek SORRY hi kaafi hota hai. Woh ladki hum gunda toh na bana paaye, Par ek mahila mitra zarur mil gayi.

Aur phir dheere-dheere waqt nikla, Teeno ki kahani aur gehri hoti gayi. Jahan ek apple se shuru hui dosti, Ek DM ne usse complete kiya.

Aur ab… Shuru ho chuka hai 4th year — placement ka samay, Naye challenges, naye sapne, naye raste. Par kahani yahin khatam nahi hoti…

Ye toh sirf Part 1 tha. Asli kahani abhi baaki hai, Aur dosti ka safar… to be continued.