從Pad Man到印度封建文化

Pad Man 係改編自印度衛生棉之父Arunachalam Muruganantham既真人真事

主角係愛妻號 好錫老婆 但佢卻發現老婆每個月的m到既時候 只能用好污糟既抹布做護墊 唔只佢老婆 印度好多女性都一樣 於是他開始投入研發製造成本低廉又好用既衛生巾

呢套戲有2大好睇位 第一係呢個衛生棉之父既故事 第二係佢揭示左印度社會迂腐嘅文化思想

先講第一點

“我的機器不是為了賺幾千萬，而是為了幫助幾千萬人。”

當時嘅印度5千萬女性人口 只有12%有用衛生巾 佢哋會用樹葉/灰/爛布，咁樣唔單只好易受感染 有啲女性甚至會因為咁 永遠無法生育 ,死亡

呢套戲講男主角點樣排除封建嘅社會觀念 同無數次失敗中成功製造出 又便又衛生既衛生巾

令人動容既係佢想幫助女性 改變社會既心 不求大富大貴的靠著機器一夕致富 而是反璞歸鄉的去幫助更多弱勢的女性族群 去拯救其餘88%未使用衛生棉的女性 改善印度衛生棉的普及化和使用率

唔係要spiderman/ batman呢啲先叫英雄 可以從身邊所及既人 去幫助佢地既 都係英雄！Pad Man 都可以係superhero

第二個好睇位 亦都係我最深刻！

“對女人來說 羞恥比任何疾病都可怕”

印度過於保守的傳統文化習俗 所造就的錯誤健康觀念 認為女性月經是污穢的象徵 M come=唔可以一齊食飯 唔可以掂到別人身體 period個5日要自己到屋外既房仔隔離 更令人震驚既係 當男主角願意站出來捍衛女性健康的權利時 阻止他的卻是來自最親的家人們和左鄰右舍的女性同胞

“我們女人寧願病死 也不要丟人現眼地活着”

好震撼既一句對白

生活係香港咁文明既地方 街上隨便搵一日便利店都有m巾賣 同人講黎m係件平常不過既事 我地又可唔可以想像到活係封建社會既女性係點樣？

生理期被人視作不祥，用衛生棉會被視為羞恥 要有幾變態嘅社會 先會有咁變態嘅思想 呢啲我相信今時今日 好多落後地方 仍然有呢啲觀念

生活係香港既我 感恩自己生係幸福既環境 但同時亦都為仍受痛苦既女性為到可悲 我地真係要珍惜我地所擁有既野

鐘意睇bollywood(美國電影叫hollywood 印度電影既bollywood) 因為劇情好睇好笑之餘 亦有令人反思 認識更多印度社會文化既一面

暫時睇過bollywood既排名： 打死不離三父女＞Pad Man＞打死不離三兄弟＞來自星星的PK 其實套套都好好睇！