An den Dieb

Wie gonnsd’n du maus’n, es Geenichs — Geschmeide? Los, andworde mir, ich fraache dich heude!

Du bist wo meschugge, e biss’l blämm, blämm? Nu, so viel Bleedheit, die dudd’s gorni gähm!

No, weeß’dn du ni, dass mor das gorni macht? Hast denn du keene Muddi, die dir das emaa sachd?

Da dengsde, de hast e baar Glungorn geglaud, unn muudich dich in das Gewelbe gedraud?

Nee, nee, mei Guudsdor, ganz rischt’sch iss das ni, denn de sächsische Seele, die verzeihd sowas nie!

Da bissde bei mir an dor falsch’n Schdelle - bring’ de Sach’n zerigg, aber bissel schnelle!

Du brauchst garni deng’n, dass ich dich voräähre, bloß weil de Gligg hadd’sd, bei deinem Gemäähre!

Leude wie du, mach’n alles gabudd, ni blooß die Scheibe! Ich hab’ off dich Wut!

Unn ooch scheeder, der herkommt, nach Dresd’n, an dor Elbe, wird verachten den Dieb, vom Grienen Gewelbe!

Unn waache dir bloß ni, denn Schdaad ze erbress’n: dann gladd’sch ich dor baar, dass’des nie wersd vorgess’n!

(Copyright Foto zum Gedicht “An den Dieb”: Heike Henning)