買冷氣必知的事 (精讀)

冷氣(空調機)主要可按類型分別：

窗口式冷氣機定分體式？

1. 窗口式冷氣機

窗口式即係一體式嘅冷氣，會安裝係窗台或者用鋁角掛在窗出面。

係香港，比較出名或多人留意嘅牌子有日立、樂聲/樂信、珍寶、開利、格力。

超過一半嘅機都係中國大陸OEM廠做而用不同牌子同設計在香港代理銷售，不過以2022年行程，仍有兩個日本牌子嘅機係其他亞洲國家做，如菲律賓、馬來西亞。

2. 分體式冷氣機

分體式即係散熱機同出風機分開嘅冷氣型號，會安裝係窗台或者用鋁角掛在石屎外牆出面。係香港，比較出名同多啲嘅牌子有大金、日立、樂聲，其他有開利、珍寶、三菱電機。

型號通常都係先考慮地方大小，然後再諗要唔要以下嘅選項：

1. 地方大小與機型選擇：

窗口式有3/4匹, 1匹, 1匹半比較多，都會有2匹, 2匹半

3/4匹 80平方尺以下 : 3/4匹 80~100平方尺 : 1匹 100~150平方尺 : 1匹半 150~200平方尺 : 2匹 200~250平方尺 : 2匹半

2. 變頻同定頻：

變同定頻係只壓縮機嘅技術，定頻比較傳統嘅，即係只帶開或關壓縮機。

壓縮機就係令入風口暖嘅空氣改變為冷氣嘅重要部分，但由於時常開關機較浪費電，之後分體機多左變頻機，當達到一定回風夠冷，壓縮機不再停機而是控制轉速，減慢，這樣就較小用電。但如果怕熱嘅朋友，仍有機會比較鍾意定頻。而窗口式近年也有開始出現變頻機，但價錢無論窗口式同分體式相對定頻機一般較貴

3. 出風口設計

一般窗口式都係單面山風，即係左或右邊其中一邊出風，而大面係入風嘅。有牌子多年就以兩面出風做賣點，不過好唔好用家各有所好。