Trillanes kay Inday Sara: ‘May topak’

By Azriel Dela Cruz, The Foreseer

Dating Senafor na si Antonio Trillanes, sinagot ang mga tanong kaugnay ng posibleng impeachment kay Bise Presidente Sara Duterte, Miyerkules, Nobyembre 27. | Screengrab: News5Everywhere / You Tube

Binuweltahan ni Dating Senador Antonio Trillanes si Bise Presidente Sara Duterte at sinabing may topak ito sa dami nang isyung kinahaharap ng kaniyang tanggapan nitong mga nkaķaraan, kahapon, Nobyembre 27.

"Alam natin 'yung may topat at alam natin 'yung normal," ani Trillanes sa isang ambush interview ng media.

Lantarang sinabi ni Trillanes na hinog na hinog na ang impeachment para kay Duterte at ito ay hindi na dapat pang hayaang makabalik pa sa puwesto.

"Nakikita naman ng mga kababayan lahat nung mga dangers, mga red flags, 'yung unfitness ni Sara Duterte to hold the position of the Vice President," tirada ng dating Senador

Matatandaang, ilang mga kongresista rin ang noon ay nagpahayag ng parehong panawagan na pag-impeach kay Bise Sara, matapos ng kaniyang sunod-sunod na pag-absent sa mga hearing.

Ayon din kay Trillanes, bilang Bise kilabot ang dulot nito sa mga Pilipino kung sakaling magkaroon ng emergency at mabakante ang posisyon ng pagka-presidente.

"Wala sa katinuan," mariin niyang sabi.

"Bottomline, hindi na dapat makabalika pa sa puwesto itong mga Duterte kasi malaking perwisyo ang ginagawa nito sa bayan," saad ni Trillanes.