【信用卡攻略】Mox信用卡都可以卡冚卡，仲要免息免手續費！
2021年6月嗰陣提過，Mox Bank找其他銀行卡數相對ZA bank嚟講，係冇咁方便，因為後者係透過轉數快即時找卡數，但前者係要第二日先收到，仲要係星期一至五(1600或之前截數)。但冇諗，係2021年12月開始，Mox Bank竟然可以用Mox…
【信用卡攻略】Mox信用卡都可以卡冚卡，仲要免息免手續費！
Mox Bank官網截圖
2021年6月嗰陣提過，Mox Bank找其他銀行卡數相對ZA bank嚟講，係冇咁方便，因為後者係透過轉數快即時找卡數，但前者係要第二日先收到，仲要係星期一至五(1600或之前截數)。但冇諗，係2021年12月開始，Mox Bank竟然可以用Mox 信用卡找其他銀行卡數，仲要冇息冇手續費，仲好用過恒生。
Mox卡冚卡涵蓋範圍比恒生信用卡更廣。
恒生信用卡雖然可以找好多間銀行嘅信用卡，但至少AEON、中銀、建行、花旗、星展、安信嘅信用卡係找唔到。因此，Mox信用卡正正彌補咗呢方面嘅不足。
點申請Mox信用卡阿？使唔使畀入息證明？
因為Mox係虛擬銀行，大家只要喺手機APP Store 搵「Mox」，下載完就可以直接喺手機開戶，佢會問你開唔開埋Mox Credit Card，大家照申請埋就得。根據以先生實測，一般情況之下，都會好似官方所講「即時知道申請結果」，唔使畀入息證明，都可以申請到信用卡，但信用額就唔會好高，如果想提高信用額，就要畀入息證明。但係，都有機會唔係即時開到，如果你係退咗休/家庭主婦，佢有機會叫你畀資產證明佢睇。另外，因為佢係即時查閱「環聯信貸評級」，如果你信貸麻麻，都好大機會唔批。
(自肥廣告) 如果大家支持以沬Medium，可以用「4SXE4Z」呢個推薦碼開戶。當大家開完戶之後，都可以邀請好友用自己推薦碼，實行齊齊賺！
點用Mox Credit Card卡冚卡？使唔使等埋張實體卡先？
大家只要跟住上述嘅步驟，就可以用Mox信用卡找其他銀行嘅卡數。大家唔使等到Mox 實體卡寄到，都可以用Mox戶口，不論係消費定卡冚卡。
點找Mox 信用卡嘅卡數？可唔可以用其他銀行信用卡找？
而家暫時冇其他銀行信用卡可以找到Mox 信用卡。找Mox 卡數，一定要定經Mox 戶口先得。不過，大家可以用渣打信用卡套用出嚟嘅十萬找Mox 信用卡，直接用轉數快轉落Mox 戶口，之後再找就得。
大家謹記卡數始終要還，卡冚卡只係增加現金流，或者解燃眉之急，千祈唔好本末倒置，先使未來錢，攪到債台高築。
渣打、恒生、東亞、大新，Citibank 同Mox 信用卡唔係互相對立，大家可以一齊用嚟增加現金流，免息免手續費延遲找卡數。所以，大家記得一早申請，以免卡到用時方恨少！
[embed]信用卡用時方恨少，東亞免息免手續費卡冚卡大法！ 銀行不時都會有推廣，如果申請信用卡嘅時候，撳咗「拒絕接受推廣」，就會冇咗好多著數。yimut713.medium.com
메타데이터
- post_id
- 7ca6d081d958
- slug
- mox信用卡都可以卡冚卡-仲要免息免手續費-7ca6d081d958
- url
- https://medium.com/@yimut713/mox%E4%BF%A1%E7%94%A8%E5%8D%A1%E9%83%BD%E5%8F%AF%E4%BB%A5%E5%8D%A1%E5%86%9A%E5%8D%A1-%E4%BB%B2%E8%A6%81%E5%85%8D%E6%81%AF%E5%85%8D%E6%89%8B%E7%BA%8C%E8%B2%BB-7ca6d081d958
- canonical_url
- https://medium.com/@yimut713/mox%E4%BF%A1%E7%94%A8%E5%8D%A1%E9%83%BD%E5%8F%AF%E4%BB%A5%E5%8D%A1%E5%86%9A%E5%8D%A1-%E4%BB%B2%E8%A6%81%E5%85%8D%E6%81%AF%E5%85%8D%E6%89%8B%E7%BA%8C%E8%B2%BB-7ca6d081d958
- author_url
- https://medium.com/@yimut713
- status
- ok
- fetched_at
- 2026-07-27 08:19:09
