کبھی کبھی میرا دل کرتا ہے

میں اس دنیا کے ہنگاموں سے دور جنگل میں اک چھوٹا سا لکڑیوں کا گھر بناؤں جہاں اس جدید دنیا کی کوئی آسائش نہ ہو نا موبائل نہ کمپیوٹر نہ ٹی وی اس چھوٹے سے گھر میں رہوں اور ایک گائے اور کچھ بکریاں پالوں جنہیں صبح ہوتے ہی چراگاہ میں چھوڑ دوں اور گائے کا دودھ مکھن ہو اور سادہ روٹی ہو میں کتابیں پڑھا کروں نئی نظمیں لکھا کروں چاند کے نیچے کھلے آسمان تلے میں بانسری بجایا کروں جنگل کے جانور میرےاس پاس گھومتے رہیں میں جنگل کی خاموشی کا شور سنوں جگنووں کے پیچھے بھاگا کروں ہد ہد بلبل ہمیں گیت سنائے جب بہت تیز بارش ہو تو میں اپنے چھوٹے سے گھر کا آنگن کھول دوں بھیگتے ہوئے جانوروں کو پناہ دوں ۔۔

دنیا مجھ سے بے خبر ہو اور میں دنیا کی فکروں سے آزاد ہوں۔کاش یہ تخیل سچ ہو جاتے -