Корея орзуси

Агар Кореяга келишдан мақсад магистратура ёки PhD йўналишида ўқиш бўлса, қуйидагича йўл тутган маъқул.

Кореа университетларидан 100 % лик скуларшип (scholarship) олишнинг осонроқ усули:

Керакли университетни танлаб, ундаги таълим йўналишлари ва кафедраларидаги профессорлар ҳақида маълумот олиб ўзингизга мос соҳа бўйича ишлаётган профессор билан боғланишингиз мумкин (маил ёки шу университетдаги бирон танишингиз орқали). Агар профессорга маъқул келсангиз сизда 100 % грант ва Кореага келгандан кейин илмий лабораторияда иш тайёр дейиш мумкин. Лекин резюме (СV) ни яхшироқ қилиб ёзиш ва сизни яхшилаб мақтаб профессорга тавсия қилса ишингиз енгилроқ битади.

Агар профессор олишга рози бўлса, IELTS балингиз ёки GPA пастроқ бўлса ҳам университет аниқ рад этмайди, чунки бу грант профессорнинг проектларидан тушган маблағ ҳисобидан қопланади (ўзимнинг тажрибамдан келиб чиққан холда). Шунингдек банкдан пул маблағлари хақида маълумотномага ҳам ҳожат қолмайди чунки профессор молиявий қўллаб қувватлаши тўгрисида кафолат ҳати беради ва шунинг ўзи етарли бўлади.

Университетга ҳужжатларни ўз вақтида ва тўлиқ топширишингиз керак. Бу усул биланн Корея элчихонасида ҳам ишингиз тезроқ битар экан. Агарда ҳужжатларда камчилик бўлса элчихона бирдан рад этмайди, қўшимча ҳужжат тақдим қилишингизни сўрайди (менда хам шундай бўлган).

Профессор топишнинг осонроқ йўли хали ёзганимдай, Кореядаги танишларингиз (магистр, бакалавр ёки тил курсида ўқиётганлар). Профессорни шахсан таниши шарт эмас, ўзининг домласи орқали боғланиб ҳал қилса ҳам бўлади. Ўз хамкасби тавсия қилса қабул қилиш эхтимоли юқорироқ экан. Шу қаторда тўғридан тўғри профессор билан боғланса ҳам унча қийин бўлмайди. Онлайн суҳбат қилиб олар экан. Суҳбатда асосан соҳангиз ҳақида, мақсадингиз, нималар қила олишингиз ва инглиз тилингизни ҳам текшириб кўради. Бу усулда Кореага келиш, илмий лабораторияси бор соҳалар (энжинеринг, АйТи (IT), амалий аҳамиятга эга йўналишлар, яъни бевосита тажриба ўтказиладиган барча йўналишлар) учун деб ўйлайман, бошқа соҳаларни аниқ айта олмайман билмадим. Хозирда қўшимча равишда университет лабороториясида ўз фаолиятимни олиб боряпман.

Хасанбоев З. Корея, ноябрь 2019 йил.