電池供電 — 秒殺LPS 線性電源 ???

電池供電 — 秒殺LPS 線性電源 ???

原廠圖片

有一日喺淘寶見到個12V電池供電設備🔋，膽粗粗買返嚟，原本諗住俾RIP碟機用。結果到手時冇碟要RIP，就拎去俾network switch試下。點知出嚟啲聲又悶又冇動感，真係好失望😩。

手痕痕打開機箱🔧，發現有升級潛力，即刻搵凱韻音響源哥幫手👨🏻‍🔧。動手前梗係上老虎魚做下資料搜集📖。

反轉底板見到咁樣嘅穩壓線路，感覺應該有潛力

機內有8粒電容想一次過換晒，最大挑戰其實係空間問題。前面5粒唔多夠位，後面幾粒都一樣，安裝真係有啲頭痕😫。

本來都俾Rubycon，如果升級AN 電容都係Rubycon 製，哈哈

幾粒唔討好嘅電容

我一向超愛用Audio Note嘅電容🧡，快晴無極絕對係頂級之選。不過size唔啱，唯有前面5粒用返普通AN黑金，後面盡量用快晴無極。

Audio Note Standard 電容

成功升級, 可以用到AN 無極電容嘅位置都用咗

✨改完有冇升級？✨

老實講，聲音真係靚咗好多🎶。比LPS有更黑嘅背景🖤，加埋AN電容嘅音色，真係一流。機價連改機、靚DC線都未夠一啲LPS價錢，但聲音已經KO好多LPS，性價比超高💸！

背景更黑、層次感提升、質感彈性都好咗，低音勁咗，中高音又冇受影響，效果真係神奇✨。

但要講多次 — — 唔換靚電容，呢部機就麻麻地；買嚟就一定要改，改完KO LPS, 當基本投資啦！🛠️