Kapag kaya nauna kayong matapos mag-dasal, hihintayin niyo ako?

Mananatili kaya kayo para hayaan akong tapusin ang dasal ko?… O uuna na kayo?

“Exam na naman sa isang linggo, tara kaya mag simba?”

Gawain na tin tuwing nalalapit na naman ang linggo ng pagsusulit

Abot ng barya, kuha ng kandila, tsaka dadayo sa pagdadasal

Sabay-sabay tayong nagsimula, lumuhod, at ipinikit ang mga mata

Taimtim kong ipinagdikit ang mga palad at saka humiling nang payapa

Lumipas ang oras, narinig ko ang kaludkos niyo… Mukhang tapos na yata kayo, kaso ako’y hindi pa

Hinintay niyo kaya ako? Nandyan pa ba kayo’t naka-upo?

Sa wakas, natapos na rin ako.

Ngunit sa pagtatapos kong ito, napagtanto ko na wala na kayo