திருமுறை ஆசிரியர்களின் பாராயணத் துதி:

திருஞானசம்பந்தர் வாகீசர் சுந்தரர்

திருவாதவூரர் மற்றைத்

திருமாளிகைத் தேவர் சேந்தனார் கருவூரர்

தெள்ளுபூந்துருத்தி நம்பி

வருஞான கண்டராதித்தர் வேணாட்டடிகள்

வாய்ந்த திருவாலியமுதர்

மருவு புருடோத்தமர் சேதிராயர் மூலர்

மன்னு திருஆலவாயர்

ஒரு காரைக்காலம்மை ஐயடிகள் சேரமான்

ஒளிர்கீரர் கல்லாடனார்

ஒண் கபிலர் பரணர் மெய்உணர் இளம்பெருமானோடு

ஓங்கும் அதிராஅடிகளார்

திருமேவு பட்டினத்(து) அடிகளொடு

நம்பியாண்டார் நம்பி சேக்கிழாரும்

சிவநெறித் திருமுறைகள் பன்னிரண்டு அருள்செய்த

தெய்விகத் தன்மையோரே.