論李澤楷自費千萬被拒

李澤楷到呢個時候先肯自費千萬，然後對方老豆唔鳩受，估唔到都有啲骨氣。（之前仲有班傻鳩因為個老豆政見而考慮支唔支持個仔，喺大是大非加上個仔有獨立思考嘅情況下，政見都有連坐法真係垃撚圾）

其實呢個時候先考慮賠償金額，又足見公司上下都好無遠見：

1. 時機好錯。唔即刻講賠又無誠意，等大眾都消化曬件事再講金額，唔係傻嘅都會知佢呢個咁明顯嘅商業決定 — — 公司招牌受到壓力再企圖自己出錢打靚個招牌。你個人平白無事捐成千萬去慈善機構就可能有用嘅，但講緊一單咁嚴重嘅意外，你唔係認真處理個意外可以點避免、或者做個樣整個基金for日後都好吖，而係擺明想搵錢塞住雲雲眾口，喂你出手會唔會差咗少少？

2. 無傾掂數。原本以為同家屬傾好條件，大家好嚟好去做場show，點知原來人哋屋企唔賣帳、數都未傾掂就向外公佈，真係唔知呢個年頭啲商家佬點做嘢。以前八九十年代啲黑社會片，都有講點俾安家費啦。起碼塞舊錢等佢家屬點曬頭先叫掂架嘛。屋企人都未肯收，就唔好衝出嚟話會俾吖。

3. 毫無遠見。頭先都係咁意講咗，作為一個企業應該俾啲咩出嚟。唔好講賠償呢啲基本嘢啦，去到企業層面應該做嘅，係講未來點樣防止呢類意外發生，同埋點樣妥善安排員工/工作人員嘅福利等等。而唔係出咗事就諗日後點寫到明勊扣，變本加厲咁刻薄，故意寫明唔會賠償。（之前有單關於 ViuTV新水上節目嘅安排事宜，有意嘅自己搵返嚟睇）

講咗咁耐，都係無非想講，香港會問責、會引咎辭職嘅 good old days 已經過咗；李嘉誠果代商人，同李澤楷呢代商人，已經有如隔世。唔係話邊代商人好邊代商人壞，而係成個氣候唔同咗，喺無人覺得需要負責嘅情況下，在商言商，今時今日行商仲需要執正嚟做賣你帳咩？