讀後感：《小王子說禪》

《小王子說禪》（星の王子さま、禪を語る），重松宗育，2014 ★★☆☆☆

揀書嚟講，暫時我領會到兩大原則。第一唔好貪特價，第二唔好俾貪得意俾書名呃到。

寫下得意書名嘅作者，係喺日本佛寺長大嘅和尚，佢細細個好憎被迫學佛，但大個都係用哩樣嘢嚟搵食。

佢好鍾意《小王子》，於是用當中情節講佛偈，以及佛寺和尚 — — 即係佢 — — 嘅個人諗法。例如，小王子話「真正重要的東西，是肉眼看不到的」，佢就聯想到佢親人喺佛寺種嘅柑，皺皮嘅反而果肉甜美。

除咗做和尚，作者亦喺大學教書。於是佢亦好順手咁喺書中加插一浸「一代不如一代」、「而家啲年青人呢」嘅口氣。又雖然，小王子睇其他星球其實都幾批判，好啦佢啱～