迴音谷30：再會

經過一年時間，第30期嘅《迴音谷》專欄將會同大家講再見，下期起由更優秀嘅音樂專欄接力。

多謝各位分享過歌單嘅朋友，多謝大家好用心分享自己選歌嘅感受，唔少人嘅 emo floodgate 一打開，情感洩洪嘭嘭聲寫咗好大段。尤其有啲海外讀者冇咗香港逼人嘅生活節奏，夜闌人靜時好多人生經歷慢慢醞釀，大家都有好多情緒，都需要有個地方尋求共鳴。

迴音谷係暫別，唔係永訣。可能隔一段時間，或者轉個方式會再同大家見面，再次多謝各位支持呢個小小嘅專欄。

卓亦謙 (導演)

關於「告別」，我第一時間想起嘅音樂，係Debussy嘅《Clair de lune (月光)》，每次想起身處遠方嘅朋友，我都會幻想對方寂寞時，夜裏靜看月光嘅畫面。無論我哋相隔幾遠，至少仍仰望同一片月色，彷彿佢哋依然陪伴係身邊，我哋身處同一世界，總有一日必定重逢，噉樣我哋上一次嘅道別，就唔算「終結」，係對未來嘅一種期盼。

《Clair de lune》Claude Debussy 《Angeles》Elliott Smith 《Enter One》Sol Seppy 《勿念》岑寧兒 《Mr. Blue》Catherine Feeny 《Goodbye Moonmen》Jemaine Clement 《The Blower’s Daughter》Damien Rice 《小茉莉》昆蟲白 《One More Light》Linkin Park 《Morning Hollow》Sparklehorse

何爵天 (導演)

黎明請你不要來 （1987） 「不許紅日教人分開」，80年代移民潮，唔少港人同親友分開，霑叔亦在訪問中提及歌詞中嘅意思，每次聽到，除咗回想起電影《倩女幽魂》最後分離嘅場面，亦令人想起係啟德機場時同親友告別嘅時刻，加上當年通訊未必發達，分隔兩地雖未必如電影般陰陽相隔但分離的確從來不易。

十個救火的少年 （1990） 一個散Band嘅故事，當大家對一個地方所發生嘅事都充滿咗無力感，散band就係最後嘅結局，不勝唏噓。

歡樂今宵 （1997） 細個睇歡樂今宵，係開場嘅「日頭猛做，到依家輕鬆下」，Enjoy yourself tonight。97年的歡樂今宵，卻是一首叫你Enjoy埋最後今晚嘅歌！

大大公司 （2001） 雖然我沒有經歷過大大公司的執笠，但八佰伴執笠還是有的，想不到香港少有的Swing Jazz流行曲卻是說著一個執笠故事，不過執笠還執笠，貨品都唔會夾平夾賤咁賣！

無間道 2002 今天再聽此歌，更覺歷史總是在不停重演，香港人夢想中的彼岸好像從來未到，似快到終點，原來又再回到起點，大家都係喺無間地獄入面不停咁Loop。

身外情 2003 決定離開，除了孽隨身，好多野都帶唔走，還是選擇放下吧。

玻璃之情 2003 2003年，一位巨星與香港人告別，最後留低咗呢一首歌，所有野都好似破碎嘅玻璃，一去不返。

留下來的人 2021年 勿念 2021年 係咁先啦 2021年

2021年隔離期間聽得最多的三首歌，都一約而同地呼應著新一輪的移民潮，前兩首在曲和詞上也明顯地傷感，反而最有玩味嘅「係咁先啦」先最有Feel，Party後再走，看似搞笑，但突然來了一句「不如誠實吧 你我都玩夠」，無謂再扮落下去，要走嘅就快啲走喇！

Hazelwcc (作曲﹑填詞人／音樂監製／音樂記者)

引用林一峰一首舊歌入面一句歌詞， 「倘若結束為了重新開始，乾掉了酒為了重新斟滿」 未知你點睇「終結」，可能好灰，好絕望？

而我，作為一個音樂人，「終結」 通常都係好事， 正正如歌詞所講，結束為了重新開始， 忙忙忙咗一大輪創作，終結一刻就係作品嘅誕生， 亦係下一個藝術企劃嘅開始。

或者面對終結嘅你正在迷茫，但亦願你睇到終結帶來嘅起點。

林一峰《離開是為了回來》 Shine《18相送》 Swing《那邊見》 陳奕迅《夕陽無限好》 RubberBand《Ciao》 The Hertz《末世情書》 李白《Aloha》 林家謙《記得》 Pandora《終點靠近時》 sica《再見有時》

祖記 (Kidult 以上、廢老未滿，塵世一中坑)

我的世界末日 — 陳奕迅 最後的歌 — 楊千樺 千禧年代，大抵港人還沉醉於「We still have it」的樂觀情緒？ 「要是我旁邊有你，誰害怕世界末日」、「至少只得一次，稱心滿意」那種對重生、Restart 的憧憬，幾鬼開心呢你話。

Ciao — Rubberband Never Come Back — Error 這幾年，有誰不用面對與熟人各散東西的告別？「被時代拆散」的「時代」，「圍欄裡揮手送別」的「圍欄」，倒是30年前「移民潮 Cantopop」裡沒有的東西。

Encore — 軟硬 高山尚有青龍，預告了的「軟硬x達明」卻遙遙無期。一首延續了「流行曲」的戲謔致敬熱血 rock ballad 雜燴，聲聲 encore，倒成了終結。

The Universal — Blur My Terracotta Heart — Blur Band 仔嘛，感懷人心不古、末世將至，多少有點強說愁；然而千帆過盡，來由衷梳理隊友反目、分裂、和解、但回不去的往事，那才是最撕心裂肺。不信？問問 Blur。

躺在你的衣櫃 — 陳綺貞 夜に駆ける — Yoasobi 世上最遠的距離，一說是生與死，一說是愛與不愛之間，那來談談生命與愛情的兩溝終結如何？

深夜告別練習 — Zpecial 「滑道上傾側倒退又轉身，我與你一刻似是無限近」深夜裡練習的，又豈止告別與滑板？

我的世界末日 — 陳奕迅 最後的歌 — 楊千樺 Ciao — Rubberband Never Come Back — Error Encore — 軟硬 The Universal — Blur My Terracotta Heart — Blur 躺在你的衣櫃 — 陳綺貞 夜に駆ける — Yoasobi 深夜告別練習 — Zpecial

Nou (插畫家/導師/占星師)

Youth , Daughter Fridge magic , mogwai Heavenly , cigarettes after sex Colour of moonlight , grimes Venus in fleurs , grimes Nobody else , Low roar Missing , the xx Bury a friend , Billie Eilish Goodbye , Billie Eilish Barco , Alva Noto & 坂本龍一

揀呢啲歌嘅主因，可能只係我認為去到「告別/終結」呢個stage，唔會再有咁活力或者對每個人都係一件好需要沈澱嘅時刻，無論係生離死別，關係迎來結束一刻，都係自我對話、重新審視嘅一段時間，我自己係分咗3個時段： 1）發問期：不斷問自己為何會變成咁？我有無咩可以再為呢後關係再做？佢而家係咪過得好過以前？blablabla… 有陣時人要到失去咗先會開始檢視問題。 Heavenly , cigarettes after sex Bury a friend , Billie Eilish Goodbye , Billie Eilish

2）感性期：沉浸向所有負面情緒之中，從而聆聽自己內心仲有無咩細碎嘅雜聲／嘈音，會恨自己在對方仲在生時無做到啲咩，音樂就只係純發洩情緒，容許鳩叫有時對心理好，因為人日常都會被道德勒索咗，內心其實將黑暗嘅諗法都收到好深，情緒係一條好好嘅鎖匙，呢段時間我會提醒自己只係凡人，都會有情緒、有黑暗面。 Missing , the xx Colour of moonlight , grimes Venus in fleurs , grimes Nobody else , Low roar

3）重整期，喊又喊晒，恨又忙完，人生仍要繼續，咁就再次思考點解要遇上呢件事，呢段時間我都係偏向要多少少刺激感或者重回生活嘅其他喜悅，有時首歌愈諷刺係愈令我有刺激感。

Fridge magic , mogwai 直譯就係雪櫃魔法，死咗嘅事物放入雪櫃都仲可以保鮮一段時期，呢隊post rock 我由細到大都好鍾意，呢首歌佢參考管風琴協奏曲 structure ，管風琴本身係好壯嚴而且宏偉，但佢其實成首歌都只用synthesizer 做（笑），感覺就好似用小朋友樂器做出嚟嘅協奏曲。有時死亡向群體中係一件好壯嚴嘅事，失去一個人勾起我哋內在小孩個part 人人不同；有時只係哭喊緊一啲過時嘅情懷（好似小朋友典地咁放唔開過去）， 嘗試「保鮮」印象中一份感情，個期限其實一日一日地流失緊，無咁多時間比你懷念咁耐，明天仍要踏住其他屍體（大家雪櫃中都好多）繼續生存落去。死亡都向到恥笑緊人類，你日日都面對緊生死，要去到身邊有至親死先搞到咁大陣仗去哀悼，在時間洪流面前，大家都只係一粒微塵，咁告別都無咩咁大不了唧。

Barco , Alva Noto & 坂本龍一 坂本seisen 向佢發現自己生癌後佢有專登寫幾個album，其中就係同德國極簡大師Alva Noto合作幾張專輯我都係好鍾意（好難揀）。insen 係其中一張佢哋探索聲音嘅過程，呢首Barco係成張album 最後一首音樂，你會由前部聽到好多唔同聲音／雜聲、弦音，顛覆咗世人對樂器演奏嘅方式，首音樂係無明顯嘅melody，但係佢係有高低起伏、起承轉合、有緊張感有疏離。對我而言，點解唔太常聽pop ／有lyric 嘅歌，因為人好易先受到lyric所影響，而忘記去探索何謂音樂。對坂本seisen 嚟講，人生每一日都倒數緊，佢可以創作嘅時間係一條減數，對死亡不安而緊張嘅心情，我諗好充分表達到。當要結束一些事情，我都希望好似坂本seisen 咁，係用創作嚟劃上句號。

Kelly.C (音樂製作人)

終結唔一定係傷感， 告別痛苦，或者係跳出舒適圈， 重新開始一段新生活，新事業。 追尋新嘅夢想，應該會令人興奮期待㗎！

Our Love to stay — 最後にならないように 孫燕姿 — The Moment 這一刻 Swing — 大大公司 JUJU — sayonara 牧野由依 — 髪とヘアピンと私 SEGA NiGHTS OST — DREAMS DREAMS 雷同二友 — 白雲會告訴我 Twins — 分飛燕 GuraMarine — Shinkiro 章尾而 — 最後的黃昏 山下達郎 — Ride On Time 杏里 — Good Bye Boogie Dance 黃耀明 — 達明一派 — 今夜星光燦爛 リン・ミンメイ&ミレーヌ・ジーナス — Friends～時空を超えて～ 馬渡松子 — ホームワークが終わらない

McQueen (剷屎官)

1. 《Hello Bye Bye》(9m88，2020) 寫女性月事來潮的心聲，每月必準時說聲 Hello，恨不得盡快 Bye Bye，但女人大半生 不能缺少「每月光臨」。《Hello Bye Bye》 更是台灣衛生巾廣告歌，堪稱地上最有型 格的「月經」。 2. 《The Galaxy Express 999》(後醍醐樂隊，1979 / Jacob Keller，2018) 《銀河鐵道999》劇場版終結一幕，星野鐵郎問美達露有否機會再見。美達露坦言複製了對方母親的外表，即使來日再相見，他不會再認得自己。永別美達露後，鐵郎沿鐵道跑向未知的前方。歌手不斷反覆重唱： 「 The Galaxy Express 999 will take you on a journey A never ending journey A journey to the stars 」 (推薦居日美籍爵士鋼琴家 Jacob Keller 在2018年錄製的鋼琴演奏版本，收錄在《Cinematic Jazz Cafe》一碟) 3. 《愛恨纏綿》(關淑怡，1990) 「像夢中飄來，你的熱愛自去自來…」選此歌只因是劇集《回到未嫁時》主題曲。悼念周海媚的離去，莫過於這首歌最適合。 4. 《追》(張國榮，1995) 張國榮告別樂壇七年後，推出《寵愛》一碟宣告回歸。《追》曲風跟張國榮1980年代的日式都市流行風格已大有分別。不止是情歌，也隱然是張的人生哲學宣言。每一年，每個音樂節目都以《追》紀念張國榮，彷彿要追回已告別人世間的他。 5. 《그대 안의 블루 / Blue in You》(金賢哲與李素羅，1993) 南韓男女合唱金曲，經常在「南韓好聲音」一類音樂節目出現的比賽曲目。原為同名都市愛情電影主題曲。聽不明韓語，也聽得出旋律中不用翻譯的離別悲傷。歌詞中男與女共唱： 「雖然算不上是愛情 我們的邂逅卻將黑暗一掃而空 停滯的時間被陽光浸透後再次流動」 6. 《飛機場的10:30》(陶喆，1997) 台灣網民將陶喆成名的 R&B 情歌，幽默配合某國外使突發到訪，令人哭笑不得。A國與B國的所謂外交友誼，早而離去：「是不是愛的給不夠，所以你要懷疑… 」 7. 《悲しみがいっぱい》(林哲司，1986 / 杉山清貴，2023) City Pop 作曲旗手林哲司，唱自己創作的歌，就如歌名一樣，充滿哀愁。《悲しみがいっぱい》後林哲司淡出歌手生涯，專注幕後製作，更撰寫商業流行音樂分析書籍。2023年為林哲司慶祝出道50周年，推出大碟《Saudade》，邀請前「杉山清貴 & Omega Tribe」樂隊主音杉山清貴，重新演繹此歌。熱愛滑浪的「陽光大叔」演繹下，少了哀愁，多了希望。 8. 《直到世界的盡頭》 (KaKuiAI，2023) Wands《世界が終るまでは…》從沒有人改篇成中文版。黃家駒生前也沒有遇上《Slam Dunk》名歌。但科技令兩股早已是過去式、風馬牛不相及的音樂力量合體。《Slam Dunk》迷多年來堅信「入樽精神不死」，AI 黃家駒在程式中，也成為不朽象徵。 9. 《Now and Then》 (The Beatles，2023) 披頭四以樂隊名義推出的最後一首歌。如非曲詞出自 John Lennon 之手，只是平平無奇，甚至無人問津。原是棄置多年的修復計劃，得到導演 Peter Jackson 數碼製作公司的幫助，利用 AI 科技將母帶雜音除去。Paul McCartney 根據 George Harrison 留下的結他前奏調子，重新編曲，再由 Ringo Starr 配上鼓聲。幕後參與的故事，比歌曲意義更大。推薦 Peter Jackson 執導的 MV，披頭四歸位，反叛告別。 10. 《The Best》 (Tina Turner，1989) 1997年，美國著名時事節目《60 Minutes》主持記者 Mike Wallace (江澤民自稱跟對方談笑風生的那位華萊士) 遠赴法國，訪問半退隱的 Tina Turner。Mike Wallace 問她，是否值得擁有眼前的一切 (法國郊區舒適大宅)，Tina Turner 一臉嚴肅：「I deserve more.」兩秒後哈哈大笑。

名人逝世，有人說「不能相信」「不能接受」。筆者從收到證實消息起，完全接受事實。抱著不能接受的想法，就能讓人復活？與其糾結在不接受的無謂情緒，倒不如想起名人生前最光輝的時刻就夠。Tina Turner 代表作《The Best》「Take my heart and make it strong」不求人可憐自己，只求變強，笑看人生。

黑人 (編輯)

一二三再見 — 辛尼哥哥 Time To Say Goodbye — Andrea Bocelli, Sarah Brightman Skyfall — Adele 係咁先啦 — MC $oHo & KidNey 羅生門 — 謝安琪 福氣 — 葉倩文 若者のすべて- Fujifabric Never Say Goodbye — Bon Jovi Edge of Heaven — Wham! Always Look on the Bright Side of Life — Eric Idle (Monty Python)

《迴音谷》剛好經過一年時間，係時候告退讓路畀新嘅音樂專題，所以今期專題都係「告別/終結」。我人生第一個最深刻嘅告別，係來自辛尼哥哥喺《跳飛機》錄音帶上面唱《一二三再見》，一曲既終錄音並未完結，小朋友問辛尼哥哥幾時返嚟，辛尼哥哥答：話唔定好快又再見面。一別就係四十多年，早幾年佢滿頭白髮上電視，幾代人一齊唱《跳飛機》，當年小朋友都變晒中老年人。人老歌不老，今日你播跳飛機畀小朋友聽，佢哋一樣聽得好開心。

「筵和席必有聚散，風必須要吹」「是從前令今天可貴，雖分不告吹」林振強將聚合離散濃縮喺幾句歌詞入面，編曲冇煽情，「前行有新宇宙，精彩等你追」未來仍然有值得期待嘅時光，悲中有樂觀，幾對我胃口。

「那動人時光不用常回看」呢句已經脫離原曲，擁有獨立生命。回憶嘅嘢，留喺回憶入面就好，唔駛強求要擁有。若者のすべて音樂一響起，就算唔識日文都知道係紀念某段逝去嘅青春，而我剛好識少少日文，聽到「最後煙花今年亦快將落幕」，寫文時正值歲晚急景殘年，「即使經過不知幾多年，仍然會想起吧」，我幾肯定仍然會記得《迴音谷》分享歌曲嘅咁多位朋友。

告別難免傷感，但係吊頸都要唞唞氣，第十首我揀咗「踎低噴飯」(Monty Python) ，成班死囚釘緊十字架仲喺度唱歌叫人正面啲，成件事本身好地獄，但係一聽就會笑出嚟。迴音谷暫告一段落，多謝大家分享觸動到你嘅音樂，走先喇係咁先喇下次再玩啦。

回到未來 (連登巴打)

1. Before you go — Lewis Capaldi
2. 史詩式終結 — Mischa Ip
3. Dynamite — Sigrid
4. 秋分 — Yusobeit
5. Time to let go — Kerryta feat. Luna is a bep
6. Promise — Laufey
7. Let somebody go — Coldplay x Selena Gomez

當一段關係終結，就代表我地會同某啲人會離別，而你亦都會有不同既感受體會。被綠帽會嬲會自我懷疑、明明覺得可以行到好長遠既關係你會覺得好可惜好傷感或者你既離開先係對佢係最好。 秋分 — Yusobeit 風吹我們兩肩 吹開命中交接 輕撫著秋分線 間著無明的告別 天不見憐眼淺 叫地不應往日化烽煙 山海鶯聲片片 路有孤客幾千 一生都不再見 就這麼

8. HW1 — 方皓文
9. 勿念 — Yoyo Sham

大家呢幾年對離別都有大大小小既感受，小至身邊朋友大至親人。無論佢地去或留，我都會尊重佢地既決定，小明既‘HW1’同Yoyo Sham既‘勿念’都好反映到呢段時間既掙扎同離別。

10. I wish — Reneé Rapp
11. How do I say goodbye — Lewis Capaldi

除咗離開香港既離別外，人大咗面對多左既就係親人既離別。一個陪伴你長大既人，由佢睇住你成長，再由你睇住佢滿頭白髮/離開。呢種人生必經既階段一定會難過，I wish — Reneé Rapp I remember seeing my dad cry For the first time, we were downstairs Talkin’ ‘bout how his dad died And how he wished he could’ve been there